മലയാള ചലച്ചിത്ര സംഗീത പ്രേമികള്‍ക്കും തമിഴ്, കന്നഡ, തെലുങ്ക്, ഹിന്ദി തുടങ്ങി ഇന്ത്യന്‍ ചലച്ചിത്ര സംഗീതലോകത്തിന് മുഴുവനും വിലപ്പെട്ട സംഭാവനകള്‍ നല്‍കിയ സംഗീത ഇതിഹാസ രത്‌നങ്ങളാണ് S ജാനകി, പിസുശീല, വാണി ജയറാം, മാധുരി തുടങ്ങിയ ദക്ഷിണേന്ത്യന്‍ ചലച്ചിത്ര ഗായകര്‍.
ഈ മഹാ പ്രതിഭകള്‍ സംഗീത ലോകത്തിനു നല്‍കിയ സംഭാവനകളെ സ്മരിച്ചു കൊണ്ടും, ഈ അതുല്യപ്രതിഭകള്‍ക്ക് ആദരവ് അര്‍പ്പിച്ചുകൊണ്ടും, ഇവര്‍ ആലപിച്ച ശ്രുതി മധുരങ്ങളായ ഗാനങ്ങള്‍ കോര്‍ത്തിണക്കിഅവതരിപ്പിക്കുന്ന പ്രത്യേക പരിപാടിയാണ് 'സ്മൃതി ഗീതാഞ്ജലി'
ആതുര ശുശ്രുഷ രംഗത്ത് പ്രവര്‍ത്തിക്കുന്ന പ്രശസ്ത ഗായകരായ യുകെയില്‍ നിന്നുള്ള ഡോ : സവിത മേനോന്‍ , ഡോ : വാണി ജയറാം (ഏഷ്യാനെറ്റ് ഐഡിയ സ്റ്റാര്‍ സിങ്ങര്‍ ഫെയിം), ഇന്ത്യയില്‍ നിന്നും ഡോ: രശ്മി സുധേഷ്, ഡോ: സംഗീത ബാലകൃഷ്ണന്‍ എന്നിവരാണ് ഈ സംഗീതാര്‍ച്ചന അവതരിപ്പിക്കുന്നത്.
ഓര്‍ക്കസ്ട്ര കൈകാര്യം ചെയ്തിരിക്കുന്നത് റിഥംനിഷാന്ത് കോഴിക്കോട് , ഗിറ്റാര്‍ നിതിന്‍, തബല ലാലു, വിനീഷ് കീബോര്‍ഡ് , തബല സന്ദീപ് പോപ്പാട്കര്‍ യുകെ തുടങ്ങിയവരാണ്
കൊച്ചിന്‍ കലാഭവന്‍ ലണ്ടനും, പ്രശസ്ത ഗായകനായ ജി വേണുഗോപാല്‍ കാന്‍സര്‍ രോഗികളായ കുട്ടികളെസഹായിക്കുന്നതിന് വേണ്ടി നടത്തുന്ന 'സസ്‌നേഹം G വേണുഗോപാല്‍' ഫൗണ്ടേഷനും ചേര്‍ന്നാണ് ഈഗാനോപഹാരം പ്രേക്ഷകര്‍ക്ക് മുന്‍പില്‍ എത്തിക്കുന്നത്.ഡിസംബര്‍ 12 ശനിയാഴ്ച്ച ഉച്ചകഴിഞ്ഞ് യുകെ സമയംമൂന്ന് മണിമുതല്‍ (ഇന്ത്യന്‍ സമയം 8:30) കൊച്ചിന്‍ കലാഭവന്‍ ലണ്ടന്റെ we shall overcome ഫേസ്ബുക് പേജില്‍ലൈവായി സ്മൃതി ഗീതാഞ്ജലി പ്രേക്ഷകര്‍ക്ക് മുന്നില്‍ അവതരിപ്പിക്കും .
യുകെയില്‍ നിന്നുള്ള അറിയപ്പെടുന്ന നര്‍ത്തകിയും സ്‌റ്റേജ് ആങ്കറുമായ ദീപ്തി വിജയനാണ് ഈ പരിപാടിപ്രേക്ഷകര്‍ക്ക് മുന്പിലെത്തിക്കുന്നത്. പ്രോഗ്രാം കോര്‍ഡിനേറ്റര്‍മാര്‍ റെയ്‌മോള്‍ നിധിരി, ദീപാ നായര്‍. പ്രോഗ്രാംകാണുന്നതിനായി ഈ ലിങ്കില്‍ ക്ലിക്ക് ചെയ്യുക
https://www.facebook.com/WeShallOvercome100390318290703/
സാജു അഗസ്റ്റിന്‍
Facebook
Twitter
